Давлат томонидан қўллаб-қувватланадиган ипотека нима?
Ушбу дастур кам ва ўрта даромадли фуқароларни қўллаб-қувватлаш мақсадида яратилган. Кредитлар Ўзбекистон Республикаси Иқтисодиёт ва молия вазирлиги томонидан қайта молиялаштирилади. Асосий хусусияти шундаки, давлат томонидан қўллаб-қувватланадиган ипотека орқали фақат фойдаланишга топширилган янги уйлардан хонадон сотиб олиш мумкин.
Давлат томонидан қўллаб-қувватланадиган ипотека учун қандай шартлар амал қилади?
2026-йилда қуйидаги шартлар ва лимитлар амал қилади:
муддати — 20 йилгача
дастлабки тўлов — 15% дан 40% гача
имтиёзли давр — 2 ойдан 2 йилгача (банк шартларига қараб)
кредитнинг максимал миқдори: Тошкент шаҳри учун - 480 миллион сўм, ҳудудлар учун — 380 миллион сўм
фоиз ставкаси — йиллик 17-20%
Давлат томонидан қўллаб-қувватлаш бўйича энг қулай ставкалар қайси банкларда?
НБУ, Халқ банки, Ўзсаноатқурилишбанк: 16,5-17%, бошланғич тўлов 40% бўлганда
Агробанк: 17%, бошланғич тўлов 15% бўлганда
Ҳамкорбанк, Ипотека банк, Пойтахт банк, Asia Alliance Bank, Асакабанк, Orient Finans Bank, Микрокредитбанк: 17–17,5%
Давлат дастури бўйича кимлар ипотека олиши мумкин ва субсидиялар мавжудми?
Қарз олувчилар бошланғич тўловнинг бир қисмини қоплаш учун давлатдан 32 млн сўм миқдорида субсидия олишлари мумкин. Субсидияни Иқтисодиёт ва молия вазирлиги орқали олса бўлади.
Қарз олувчиларга қўйиладиган асосий талаблар: 18 ёшдан 60 ёшгача бўлиш, расмий даромаднинг мавжудлиги, муддати ўтган қарздорликларсиз мукаммал кредит тарихи.
Ипотекани қайта молиялаштириш нима дегани?
Бу жорий қарзни сўндириш учун янги кредит расмийлаштириш дегани. Ушбу жараён янада фойдалироқ шартлар эвазига ипотекани ўша ёки бошқа банкка ўтказиш имконини беради.
Қайта молиялаштириш механизми Президент фармонига асосан 2025-йилнинг баҳорида ишга туширилган. Банкларга маблағни Ипотека кредитларини қайта молиялаштириш бўйича ихтисослаштирилган компания ажратади. Ушбу дастур анъанавий дастурга қараганда анча мослашувчан бўлиб, фоиз ставкалари бироз юқорироқ бўлса-да, каттароқ миқдорда кредит олиш имконини беради.
Тижорат ипотекаси нима?
Банклар уни ўз маблағлари ҳисобидан тақдим этади. Асосий афзалликлари — суммалар бўйича қатъий чекловлар йўқ ва уй-жойни бирламчи бозордан ҳам, иккиламчи бозордан ҳам сотиб олиш мумкин. Камчилиги — фоиз ставкаларининг юқорилиги. Мазкур маҳсулот юқори даромадли ва тўлов қобилияти барқарор бўлган мижозларга мўлжалланган.
Тижорат ипотекаси қандай шартлар асосида берилади?
2026-йилда қуйидаги шартлар амал қилади:
фоиз ставкаси — йиллик 23% дан 32% гача
муддати — 5 йилдан 20 йилгача
бошланғич тўлов — 20% дан 50% гача
имтиёзли давр — 3 ойдан 18 ойгача
Ипотека қандай расмийлаштирилади?
Ҳужжатларни тайёрлаб, банкка мурожаат қилиш керак:
кредит олиш учун ариза
паспорт ёки ID-карта
одатда, сўнгги 6 ойлик даромадлар тўғрисидаги маълумотнома
агар банк талаб қилса, кафилнинг маълумотлари
дастлабки олди-сотди шартномаси
кўчмас мулкнинг кадастр ҳужжатлари
Ипотека орқали квартира сотиб олиш қандай босқичлардан иборат?
Ҳужжатларни тўплаш ва асосий талабларга мувофиқликни текшириш
Банкка расмий ариза топшириш
Скоринг — банк томонидан даромадингиз ва тўлов қобилиятингизнинг баҳоланиши
Мустақил баҳоловчи томонидан уй-жойни танлаш ва баҳолаш
Олди-сотди, гаров ва суғурта шартномаларини тузиш
Банк томонидан сотувчига пул маблағларини ўтказиш
Иккиламчи бозордаги уй-жой учун ипотека олса бўладими?
Ҳа, агар бу тижорий дастур бўлса. Давлат дастури бўйича эса фақат янги қурилган уйни ипотекага сотиб олиш мумкин.
Гаров сифатида нимани киргизиш мумкин?
Сиз сотиб олаётган квартиранинг ўзини. У банкка гаров сифатида тақдим этилади.
